Pink Floyd-ын хөгжим LSD хэрэглэгчдэд зориулагдсан мэт, тэдний байдлаас хийгдэж байсан нь хамтлагийг тэр дорхноо Psychedelic rock жанрын мастер болгосон агаад тэднийг LSD туршилтыг дүрслэгчид хэмээж байв.. үнэндээ LSD имиж нь хамтлагийн хөгжимд суурилсан туршилт, хэлбэр байсан бөгөөд үнэндээ хамтлагаас ганц бас жинхэнээр мансуурагч нь Syd Barrett байсан буюу Syd Barrett-ын оюун ухаан, авъяас чадвараас үүдэж хамтлагийн дуугаралт, өнгө төрх, философи энэ LSD рүү шилжсэн байдаг.. нэг үгээр Syd Barrett-ын Pink Floyd илүү туршилтын маягийн байж, ирээдүйн домогт хамтлагийн үндэс суурь болсон агаад түүний нөлөө хамтлагийн бүхий л үед амьтай оршиж, хамтлагийг цааш оршиход том урам зориг болжээ.. цомгийн дуунууд хоёр хэсгээс бүрдэнэ: эхнийх нь хамтлагийн амьд тоглолтоос бичсэн урт хэмжээтэй импровиацтай дуунууд болон Barrett-ын зохиосон богино хэмжээтэй дуунууд болно.. дуу бичлэгийн үеэр продюсер Smith болон Barrett нарын хооронд зөрчилдөөн их байсан ба хамтлагийн "дарга" Barrett-ын шинэлэг хөгжмийг Smith эсэргүүцээд илүү хуучинсаг хөгжимийн дуугаралт хүсч байсан гэдэг, тэгэхдээ хамтлагийн хөгжмийн дуугаралтыг тухайн үед студийнхэн анх сонсоод балмагдан гайхсан байдаг. цомог нээлтээ хийж алдаршив, энэ үед хамтлаг UFO клубт тоглодог байсан агаад орой болгон битүү үзэгчидтэй байдаг байв.. хамтлагийн менежер байсан хүн хэлж байна: арын өрөөнөөс би Barrett-г олсон, тэр бүр ухаангүй байлаа, Roger бид хоёр түүнийг арай гэж хөл дээр нь босгоод тайз руу гаргав, түүнд үзэгчид хайртай учраас эл байдлыг нь өршөөсөн боловч хамтлаг тоглоод эхлэхэд Barrett зүгээр л зогсчих буюу гитар нь хүзүүнээс нь өлгөгдөөд гар нь хий л унжиж байв гэсэн буй.. Barrett-ын өвчин хамтлагийг зарим нэг хөгжмийн наадамд оролцох боломжийг хаасан байдаг, Barrett-ын уг байдлыг Roger тэргүүтэй хамтлагийнхан ихэд анхааран сэтгэлзүйчид хандсан ч Barrett уг халамжийг хүлээж аваагүйгээс гадна мөн түүнийг испанид амруулсан ч ямар ч үр дүн хүртээгүй байдаг.. цомгийн хавтасны зургийг Vic Singh гэгч алдартай зурагчин авсан агаад хамтлагийнхныг аль болох тод гоё хувцасаа өмсөхийг шаардсан бөгөөд хамтлагийнхан тухайн үеийн моодны загвараар хувцаслаад мөн LSD туршилтыг харуулахыг оролдсон гэж судлаачид үздэг.. цомгийн нэрийг Syd Barrett өгсөн бөгөөд энэ нэр бол Kenneth Grahame-ын "The Wind in the Willows" зохиолтой холбоотой ба уг ном бол Barrett-ын хамгийн дуртай ном байснаас гадна хожим "Shine on you crazy diamond" дуун дээр Barrett-г дурсан "you piper" гэдэг хэсэг гардаг билээ.. "энэ бол энгийн бус, шал өөр ажил байсан ба тэд энэ ажилдаа сэтгэл хангалуун байсан бол Syd Barrett цомгийн коверын ард бяцхан зураг зурсан" хэмээсэн буй Vic Singh.. цомог нээлтээ хийхэд судлаачид энэ хамтлаг Psychedelic төрхийг бодит амьдралд авчирлаа, гээд Pink Floyd-ын хөгжимдөх авъяас хийгээд хөгжмөө бичүүлэх байдлыг ухаалаг гэж магтсан байдаг.. жилээс жилд цомгийн нэр хүнд, алдар нэр өсөв, уг цомгийг бүх цаг үеийн шилдэг Psychedelic rock цомгийн тоонд багтааснаас гадна зарим шүүмжлэгчил уг цомгийг хамгийн шилдэг Psychedelic rock цомог гэж өргөмжилдөг.. Rolling stone сэтгүүл уг цомгийг Syd Barrett-ын алтан амжилт хэмээгээд эл цомгийг бүх цаг үеийн хамгийн шилдэг 500 цомог жагсаалтынхаа 347~р байрт жагсаасан байдаг.. Mojo magazine болон Q magazine гэсэн сэтгүүлүүд уг цомгийг хамгийн шилдэг рок цомог, хөгжим, дуу гэсэн жагсаалтууддаа тун өндөрт байршуулсан байдаг агаад уг цомог бол аугаа хамтлагийн эхлэл, рок хөгжмийн шинэчлэлт байжээ.. зарим судлаачид уг цомгийг концепт гэдэг ба энгиЙн цомог шиг дуртай дуугаа сонгон сонсохоос илүүтэй бүтэн цомгоор нь, тэгэхдээ эхнээс нь дуустал сонсох хэрэгтэй гэсэн буй.. уг цомгийг 1973 он хүртэл концепт цомог гэж үздэггүй байсан бөгөөд эдүгээ концепт цомог гэж үзэхиЙн сацуу хамгийн шилдэг Psychedelic rock - концепт цомог гэж үзэж байна..
Comments
Post a Comment