Дурсаж яваарай

Roman Holiday (1953). Мөрийтэй тоглоомын ширээний араас Joe хувхай хоосрохоосоо өмнө босох бөгөөд тэрээр Ром хотод ажиллаж, амьдардаг нэгдсэн улсын сэтгүүлч ба маргааш өглөө гүнжийн хэвлэлийн бага хуралдах оролцох тул эртхэн харьж амрахаар шөнийн Ромын гудмаар алхаж яваад сандал дээр нэг хүүхэн унтаж байхыг олж харна.. бас ч гэж моралтай, хүнлэг Joe хүүхэнг тийм байдалтай орхиж төвдсөнгүй сэрээх гэж оролдох агаад хүүхэн согтуу биш боловч тун нойрмог, ганцааранг нь орхиж боломгүй байсан учраас Joe түүнийг гэртээ аваачина.. хүүхэн бараг Joe-д үүрүүлэн байж умгар өрөөнд нь орчихоод гэрийг нь цахилгаан шат юмуу гэж доромжлоод зогссонгүй хувцас тайлж өгөөд оронд оруул хэмээн захиргаадах нь үнэнхүү эгдүүтэй.. Joe түүнийг өөрийнхөө оронд унтуулаад өөрөө буйдан дээр залрах бөгөөд энэ хүүхэн үгээр илэрхийлэмгүй үзэсгэлэнтэйг, өмссөн зүүсэн хийгээд төрх байдал нь дээд зиндааных болохыг харж байлаа.. шөнийн адал явдал Joe-г нам унтуулж ажлаас нь хоцроох ба гэрээсээ яаран гарахад үл таних хүүхэн орон дотор нь хүүхэд шиг нойрссоор үлддэг.. сандарсан Joe гүнжээс ярилцлага авчихсан гэж редактортоо худал хэлж өөрийгөө аргалах гэтэл гүнжийн бие гэнэт өвдсөн учир хэвлэлийн бага хурал хойшилсон байхад чи битгий худал ярь хэмээн хашир редактор уурлан Ann гүнжийн зурагтай сонинг Joe руу шидэх бөгөөд энэ Ann гүнж нь яг одоо Joe-ын орон дотор нь унтаж буй хүүхэн болохыг тэрээр мэдээд барагалж ухаан алдчихсангүй..

энэхэн мөчид Joe-ын толгойд нэгэн санаа төрөх буюу тэрээр өнөөдөртөө багтааж гүнжийн ховор зургууд, хувийн нууц болон гүнжтэй нүүр тулсан ярилцлагыг олж ирнэ, харин надад ахиухан мөнгө өг гэхэд редактор зөвшөөрөх ба маргааш гэхэд гүнж өөр улс руу явах ёстой байв.. гудманд унтаж байсан хүүхэн үнэхээр гүнж Ann бөгөөд гүнж Европоор аялж яваад Ромд саатаад байсан нь энэ ба бараг хүүхдээрээ тэрээр гүнжийн нарийн ягшмал хуваарь, уйтгартай ёс дүрэм хийгээд төгс төгөлдөрийн хүйтэн мөсөн ханаас залхаж бараг галзуурах шахсан учир эмч нь түүнд нойрсуулах тариа хийжээ, гэвч шөнө дөлөөр ордноос зугтааж амжих агаад харамсалтайн дөнгөж зугаалж эхэлж байтал нойрсуулах тариа үйлчилж эхэлсэнээр тийнхүү унтаахай болсон байжээ.. Joe ажлаасаа үтэр түргэн гараад гэрэл зурагчин Irving гэгч найзтайгаа утсаар бүх төлөвлөгөөгөө яричихаад гэртээ очиход гүнж унтаж л байх агаад Joe гүнжийг эвтэйхэн сэрээнэ, гүнж мэдээж баахан балмагдах боловч Joe-ын буянтай сайхан төрх элдэв муу бодлыг нь хөөх ба гүнж өөрийгөө Anya гэж хуурамчаар танилцуулах бол Joe ч өөрийгөө худлаа танилцуулаад зогсохгүй гүнжийг танихгүй юм шиг дүр эсгэнэ.. ингээд гүнж түүнд талархаад харилаа хэмээн явна, Joe араас нь сэмхэн дагах бөгөөд Ann ёстой эрх чөлөөгөө эдлэн дураараа зугаалж байлаа: ингэхдээ гудамжинаас зайрмаг авч идэн, мөн үсээ тайруулах агаад үсчин залуу гүнжийг шохоорхон, улмаар орой болох бүжгийн цэнгүүнд урих ба мэдээж хэн ч түүнийг гүнж гэдгийг мэдэхгүй байлаа.. энэ үед ордонд гүнжийг хайн үймээн болж байв ч энэ талаар гадагшаа мэдэгдэж болохгүй гэсэн тушаал ирэх ба тусгай албаныхан гүнжийг хотоор нууцаар хайж байлаа.. Joe санаандгүй таарсан мэт дүр эсгэн зугаалж явсан гүнжийг тосон уулзаад Ром хотыг танилцуулъя гэснээр тэр хоёр нэг баг болох агаад тэр хоёр дээр тамхины асаагуур шиг нууц гэрэл зургийн аппраттай Irving нэгдсэнээр тэд Ром хотоор үзэгчдийн хамт зугаалж бас хөгжилдөх бөгөөд киноны энэ хэсэг чухал хийгээд романтик хэдий ч бичвэрээ нуршуу болгохгүй гэж, бас үзэгчидээ уг хэсгийг өөрсдөө үзээсэй гэж хүсэн орхив.. 

энэ зугаалгын үеэр Irving тувт нөгөө “асаагуураараа” нууцаар зураг авч байсан ба тийнхүү орой болж манай гурав үсчин залуугийн хэлж байсан бүжгийн цэнгүүнд очиж бөөн үймээн дэгдээх буюу тусгай албаныхан тэднийг бүжиглэж байхад дайран орж ирж гүнжийг хүчээр авч явах гэж оролдоно, харин Joe гүнжийг дагуулан зугтааж чадна.. уг явдал тэдний сэтгэлийг хөдөлгөх буюу Joe хүүхэнд дурласнаа ойлгох бол Ann Joe-г хичнээн сайхан сэтгэлтэйг харж улмаар хоёр биедээ татагдан үнсэлцэх бөгөөд гүнж одоо буцах хэрэгтэйгээ ухамсарлана, мөн хэн хэн нь хоёр биенээ ямар хүн болохыг мэдсэн ч анх танилцсан шиг байсаар салахыг илүүд үзнэ.. Joe гүнжийг хүргэж өгөхөд гүнж түүнийг араас битгий харж бас дагаарай гэж хэлнэ, энэ нь хүүхэн Joe-ын сэтгэлд гүнж биш Anya-аараа үлдэхийг хүссэнийх болов уу.. маргааш нь гүнжийн хэвлэлийн бага хурал жинхэнээсээ болж Joe, Irving хоёр очсон байна, Anya маань ч буцаад гүнж болсон байх агаад Joe гүнжтэй маш удаанаар ширтэлцэх бөгөөд бүх зүйлсээ ярилцсан энэ хайрын харц үүрд дурсаж явна гэсэн хагацлынх байлаа.. гүнжийг сэтгүүлчидтэй гар барилцахад Joe бүх зургийг нь өгч амжина, энэ нь тэрээр мөнгөнөөс татгалзсаны шинж ба хэвлэлийн бага хурал дуусч, мөн гүнж явсан хойно Joe ганцаараа танхимд үлдээд танхимын хонгилоор бодлогширонгуй алхана.. 

Бүх цаг үеийн хамгийн алдартай романтик киноны нэг гэгддэг эл бүтээл дээр Ром хот кино дэлгэцнээ хамгийн сайхнаараа гэрэлтэж, Gregory Peck хамгийн сэтгэл булаам дүрээ бүтээсэн байдаг бол Audrey Hepburn энэ кинондоо хамгаас үзэсгэлэнтэй харагддаг.. Оскарын наадмаас шилдэг найруулагчийн шагналыг гурвантаа хүртсэн цорын ганц эрхэм, нэгдсэн улсын найруулагч William Wyler-ын энэхүү бүтээлийн зохиолыг Америкийн алдартай коммунист зохиолч Dalton Trumbo бичсэн ба Dalton Trumbo-г коммунист хэмээн ад үзэн ажлуудыг нь хар жагсаалтад оруулчихаад байсан учраас уг киног бүтээгчдийн тоонд түүний нэрийг оруулахгүй байж байгаад дөнгөж 2003 оноос л оруулж эхэлжээ.. кино тэр жилийнхээ Оскарын наадмаас шилдэг эмэгтэй гол дүр, шилдэг кино зохиол болон шилдэг хувцас загвар гэсэн гурван шагнал хүртсэн бөгөөд Америкийн кино хүрээлэн уг бүтээлийг хүсэл тэмүүлэл бадраах шилдэг зуун кино жагсаалтынхаа 4-р байрт, мөн Америкийн кино хүрээлэнгээс гаргасан шилдэг арван романтик комеди кино жагсаалтынхаа 4-р байрт тус тус жагсаасан байдаг ба бүх цаг үеийн хамгийн шилдэг мянган киноны 800-р байрт жагсаж байна.. киног мартагдашгүй болгож байгаа хоёр шалтгаан бий гэдэг: нэгдэх нь гайхамшигт Audrey Hepburn бол хоёрдахь нь энэ кинонд чухал байр эзлэх Ром хотын газар орны байдал ба кинонд газар орны байдал хэрхэн онцгой тэргүүлэх чанартай байж болдогийн нэг жишээг найруулагч William Wyler харуулсан гэдэг.. William Wyler анх Joe-ын дүрд Cary Grant-г тоглуулахыг хүссэн ч Cary Grant татгалзсан агаад шалтгаан нь гүнжийн дүр өөрийнх нь дүрээс том байна гэжээ.. ингээд Joe-ын дүрд дөчөөс жараад оны үед ид мандаж явсан Оскарын шагналт жүжигчин Gregory Peck тоглосон ба зураг авалт дууссаны дараа Audrey Hepburn гүнжийн дүрээрээ Оскар авах болно гэж хэлж байжээ.. үнэхээр Audrey Hepburn гүнжийн дүрээрээ Оскар авсан бөгөөд энэ түүний цорын ганц Оскар байсан агаад энэ кино бол Audrey Hepburn-ын кино, сцен болгоноос түүний төгс гуа үзэсгэлэн хийгээд бишрэм тоглолтыг харна.. 

найруулагч William Wyler од жүжигчид гаргаж ирдэгээрээ алдартай нэгэн, тэрээр энэ киногоороо Audrey Hepburn-г дэлхийд таниулсан бөгөөд анх гүнжийн дүрийг Elizabeth Taylor-д тавихад Elizabeth Taylor завгүй байж таарсан нь Audrey Hepburn-д аз болсон хэдий ч багагүй шалгалт өгч байж тэнцсэн байдаг.. энэ кино Audrey Hepburn-ын хувьд нэгдсэн улсын кинонд тоглосон анхны тохиолдол байснаас гадна анхных нь том дүр байсан ба тэрээр кино урлагт орохоосоо өмнө нь театрын урлагт амжилт гаргаад байв.. William Wyler хожим Audrey Hepburn-ын талаар “тэр бөгсгүй, хөхгүй, намхан, мөн өндөр өсгийтгүй шинэ од байсан, гэхдээ тэр төгс байсан” хэмээжээ.. Richard Curtis-ын “Notting Hill” бүтээл энэ киноноос санаа авсан гэдэг бөгөөд мөн уг кино нь бүх зураг нь Италид авагдсан анхны Америк кино ажээ..