Зул сараас өмнө амжиж хайраа илчлээрэй

Holiday Inn (1942). Нью Иоркийн нэгэн шөнийн цэнгээний газрыг орой болгон хүнээр дүүрэн байж орлоготой ажиллахад гурван эрхэм хүн буюу манай киноны баатруудын хувь нэмэр үлэмж бөгөөд амралтын өдөр гэж мэдэхээ болитлоо ажиллаж, шоу бизнест шуугиант од болоогүй ч бузгай авъяастай гурван жүжигчинтэй танилцая: Jim (Bing Crosby) бол гайхалтай дуучин, бас шаггүй хөгжмийн зохиолч агаад бодлоо шууд хэлэхээс дотогшоо залгихыг илүүд үздэг төлөв даруу залуу бол түүний найз, хамтран уран бүтээл туурвигч Ted (Fred Astaire) зальтай, амбицтай, бүхнээс түрүүлж алхахыг урьтал болгогч ба түүн шиг гарамгай бүжигчин улс даяар лав байхгүй, харин гуравдахь уран бүтээлч, хоёр залууг холбогч гоо үзэсгэлэн бол Lila (Virginia Dale) гэгч нь бүжиглэж, дуулахын зэрэгцээ энэхүү бяцхан хамтлагийн гол өнгө зүс нь болно.. 

хүүхэн нэр төр, эд хөрөнгөнд шунах ба түүнд Ted Jim хоёр хоёул дурласан бол хүүхэн өөрт унах ашгийг бодолцон нууцаар тэдэнтэй зэрэг болзож, адилхан ам өчиг өгнө.. байнгын аялан тоглолт хийгээд сүүлийн хэдэн жил ямар ч баяр тэмдэглэж үзээгүйн дээр нас явж амар тайван амьдрал, эхнэр хүүхэдтэй болохыг хүссэн Jim зул сарын өмнөх өдөр ер нь энэ ажлаа больж хөдөө гарч амар тайван амьдарья, ингэхдээ энэ саналаа Lila-даа хэлж хамтран амьдрах буюу гэрлэх санал тавихаар болно.. Jim-ын саналыг Lila мэдээж зөвшөөрөхгүй, шоу бизенс, гял цал бүхий энэ амьдралаа орхихыг тэр огтхон ч хүсэхгүй бөгөөд Ted-тэй сүй тавьсан, Ted-д хайртай түүнтэй хамт үлдэнэ гэхэд Ted ч чи явж болно, харин Lila бид хоёр уран бүтээлээ үргэлжлүүлнэ, мөн хуримлана гэдэг..

зүрх нь шархалсан ч Jim найзууддаа амжилт хүсээд амар жимэр амьдрал бодон хөдөө рүү явна.. мал аж ахуй, газар тариалан гээд хөдөөний эгэл амьдралаар нэг жил амьдрахдаа Jim уйдаж үхэх шахах агаад насаараа урлаг, шоу бизнест ажилласан түүний цусанд урлаг шингэсэн буюу урлагаас өөр юм хийж чадахгүйгээ ойлгоод жилийн дараа буцаад найзууд дээрээ ирнэ.. Jim зүгээр ирсэнгүй, тэрээр ийм төлөвлөгөө өвөртлөн ирнэ: энэ нь зөвхөн баяр болгоноор ажилладаг дэн буудал ба тухайн баяртай холбоотойгоор урлагийн үзвэр явагдахын дээр цэнгээний газрыг бодвол илүү намуухан дулаан уур амьсгалтайгаараа гэр орныг санагдуулах тийм нэгэн онцгой санаа болой.. уг санааг нь найз Ted нь шоолонгуй хүлээж аваад татгалзана.. гэсэн ч Jim хойш суусангүй ганцаараа ажилласаар баярын дэн буудал гэдэг нэртэй хөгжим бүжиг, хоол унд, эерэг орчин бүхий дэн буудлаа босгож чадна.. нэгэн цэцгийн дэлгүүрт Ted-ын агент Danny Ted-ын өмнөөс Lila-д цэцэг авч байгаад бүжиглэх, дуулах хосгүй авъяастайн дээр тун хөөрхөн Linda (Marjorie Reynolds) гэгчтэй танилцах ба Linda би жүжигчин болох хүсэлтэй, та бол мундаг агент надад ажил олж өгөөч гэхэд Danny яршиглан байж бушуухан салахын түүс болж Jim-ын баярын дэн буудлыг зааж өгөөд наанаа очвол ажилтай болно гэж хэлдэг.. 

ингээд маргааш нь буюу зул сарын баярын өдрөөр Linda Jim-ын баярын дэн буудал дээр ажил хайн очсоноор Jim хүүхний ховор авъяастаг бас гоо үзэсгэлэнтэйг өөртөө нээн улмаар ажилд аван баярын дэн буудлыг нээх бөгөөд дэн буудал зүү багтах зайгүй хүнтэй байж асар их амжилт олно.. дурлалын цэцэг Linda болон Jim хоёрын дунд дэлбээлэх бөгөөд хүүхэн Jim-г маш их хүндэлж бас хайрлах агаад Jim-ын нөгөө л шууд биш зангаар надтай хамт үлдээч хэмээн хүүхэнд хэлэхэд Linda үүнийг нь гэрлэх санал гэж бодон хүлээн авдаг.. ийнхүү байтал Ted шал согтуу хүрч ирнэ, яасан гэвэл Lila саятантай суулаа гэж хэлээд түүнийг хаясан ба Jim найз дээрээ сэтгэлээ засахаар ирээд буй нь энэ.. Ted-г ирэхэд бүжиг болж байж тааран согтуу тэрээр Linda-тай гайхалтай хослон бүжиглэхийг харсан Danny хүүхэмсэг бүжигчинээ ингээд архинд орлоо гэж айж байтал харин аль хэдийнээ өөр хүүхэн олсон байгаад баярлах бол ахиад л өмнүүр нь Ted орох нь гэж Jim барайх ба хүүхний тал дээр Ted түүнээс хол илүү байв.. маргааш өглөө нь шартаж бас юу ч санахгүй байгаа Ted-г Danny чи тэр хүүхнээ санаж байна уу, та хоёр ёстой янзын хослож байсан, та хоёрыг би холливуудын од болгоно гэхэд Ted тэр хүүхэнтэй дахиж уулзвал санана гэнэ, харин энэ үед Jim Linda-г түүнтэй уулзуулвал үүрд алдана, тиймээс юу ч мэдэхгүй царайлж хүүхнийг Ted-ээс хол байлгая гэж сэтгэнэ.. Jim Linda-г нуухдаа нууж байгаад дэн буудлаасаа явуулах ба Ted дараагийн баяраар тэр үл таних хүүхэнтэй энд ахин таарах байх гэсээр явна, учир нь дэн буудал зөвхөн баяраар л ажилладаг билээ.. 

дараагийн баярын өдөр нь валентины баяр байх ба зальжин Ted хонгор Linda-г эрсээр байгаад олж хамт бүжиглэж байснаа, мөн хоёулаа хамт ажиллавал од болно, эндээс явья гэхэд хүүхэн би Jim-д амалсан, эндээ үлдэнээ гэдэг.. гэхдээ Ted бууж өгсөнгүй дэн буудлын ажилтан болмоор байна, найзтайгаа хамтран ажилламаар байна гэсээр Linda-ын итгэлийг татаж чадах ч Jim Ted-г хонины арьс нөмөрсөн чоно гэдгийг мэдэхтэйгээ бөгөөд найзыгаа Linda-ын өмнө шууд хөөх нь зохимжгүй гэж үздэг.. Ted дэн буудалд ажилласаар тусгаар тогтонолын баярын өдөр ирэх бөгөөд Linda-тай бүжиглэхээ холливуудын агентуудад үзүүлэхээр сэмхэн бэлдэнэ, агентуудад таалагдвал од болох хүсэл нь биелэх бөлгөө.. Jim энэ бүхнийг урьдчилан хараад Linda-гаа алдахгүй гэж Linda-г энэ тоглолтод оруулахгүй гэж бяцхан заль хэрэглэн тоглолтод оруулахааргүй арга хэмжээ хэрэглэх ба мөн үүн дээр Lila-г дэн буудалдаа дуудчихна, яасан гэвэл Lila саятандаа хаягджээ.. энэ явдалд Linda Jim-нд гомдох ба өөрт нь итгээгүй, өөрийг нь алдартай болоход саад хийлээ гэж уурласандаа Ted-г дагаж явдаг.. ингээд хэсэг хугацаа өнгөрөн талархлын баярын өдөр ирэхэд  Ted Linda хоёр сүй тавьсан байх агаад тэд од болсон байх бол Jim дэн буудлаа хаагаад гэртээ ганцаардан, бухимдан сууж байхад нь түүний гэрийн үйлчлэгч хөгшин авгай түүнд хандаж: танд Linda хайртай, та түүнийг ингэж орхиж болохгүй гэж хэлсэн нь Jim-д амьдралдаа ядаж нэг удаа зоригтой, эрс шулуун алхам хийх урам зориг өгсөнөөр холливууд явна.. 

Шинэ жил болон зул сарын баяраар заавал үзэх сонгодог киноны тоонд америкийн кино найруулагч Mark Sandrich-ын \кино зохиолыг Irving Berlin бичсэн\ энэхүү мюзикл буюу дуутай, бүжигтэй, бас романтик драм кино орсоор ирсэн ба зул сарын бусад классик киног бодвол илүү хөгжимлөг, бүжигтэйн дээр илүү хөгжөөнтэй эл бүтээл энэ хөгжимлөг давуу чанараараа тэр жилийнхээ оскарын наадмаас шилдэг “Best Original Song” шагналыг алдарт "White Christmas" бүтээлээрээ хүртсэн байдаг.. киноны бүх хөгжмийг америкийн хамгийн аугаа дууны үг бичигчдийн нэг, бас ая зохиогчдын нэг Irving Berlin бичсэн бөгөөд өдгөө зул сарын хамгийн гайхалтай дуунуудын нэг "White Christmas"-г нэрт жүжигчин, дуучин, оскарын шагналт америк жүжигчин Bing Crosby анхлан энэ кинон дээр дуулсанаар дэлхий дахинд түгээн даяар хит дуу болгожээ..

 "White Christmas" хэмээх гайхамшигтай дуу киноноосоо илүү хит болсон ба 1997 оныг хүртэл хамгийн их зарагдсан сингл болж байсан нь хүмүүс энэ кино, дуунд хэр хайртайг илэрхийлнэ.. зүрх сэтгэлд дулаахан, уйдамгүй хөгжилтэй энэ киноны гол дүрүүдэд: америкийн анхны олон талт авъяастай од Bing Crosby \түүний дуулах арга барил Frank Sinatra, Dean Martin нарт нөлөөлсөн байдаг\ болон америкийн жүжигчин, бүжигчин, дуучин кино урлагийн бүжгийн их оргил Fred Astaire \тайз, дэлгэц гээд 76 жилийн амжилттай замналтай энэ аугаа эрхэм америкийн кино хүрээлэнгээс гаргасан бүх цаг үеийн хамгийн шилдэг зуун эрэгтэй жүжигчний тавд бичигддэг\ хоёр тоглосон бол туслах дүрүүдэд: америкийн жүжигчин, бүжигчин Marjorie Reynolds, Virginia Dale нар тоглосон.. сонирхуулахад, Ted-ын согтуугаар Linda-тай бүжиглэдэг сцен дээр Fred Astaire зураг авахын өмнө, дүрдээ орохын тулд хоёр хундага архи татаж байсан ажээ.. кино гарсан дороо америк болон их британд хит болж, улмаар тэр жилийнхээ хамгийн их ашиг олсон мюзикл болж байжээ..