Эцгийн хайр

Like Father, Like Son (2013). Таны 6 жил өсгөн хүмүүжүүлэн, бүхий л хайр сэтгэлээ зориулсан \мөн авсан\ амьдралын ухаан ид сууж, хүн болж яваа хүүхэд чинь үнэндээ таны хүүхэд биш болохыг, тэгээд жинхэнэ буюу төрсөн хүүхэд чинь амьд, өөр нэг газар бас нэг “хуурамч” эцэг эхтэй болохыг мэдвэл үүнтэй эвлэрэхүү?.. Японы энэ цаг үеийн шилдэг кино найруулагчдын нэг Hirokazu Koreeda-ын уг кино 2013 онд Канны кино наадмаас Jury Prize-г эзэндээ авчирсан \мөн Palme d'Or-д өрсөлдсөн\ шилдэг бүтээл.. найруулагч Hirokazu Koreeda киноныхоо зохиолыг өөрөө бичиж бас киноны эвлүүлгийг өөрөө хийжээ.. найруулагч үзэгчдэд маш том, барагалж шийдэж боломгүй асуудал тавина: дассан сэтгэлээ дагахуу? Эсхүл яс, цусаа бодолцохуу? Уншихад хялбар мэт байгаа бол үзэхэд маш хүнд \өрөвдөлтэй\ бүтээл ба үзэхэд л яс хавталзаж байхад амьдрал дээр тохиолдвол гэж төсөөлвөл? Найруулагчийн санаа яг энэ юм.. ийм амьдрал туулаагүй өөрийгөө азтай гэж бодогчдод киногоор дамжуулан тийм мэдрэмж төрүүлж, азтай гэх энэ амьдралдаа сэтгэл хангалуун явахыг цаагуураа сануулсан мэт..

ерөөсөө кино урлагийн зорилго үзэж \очиж\ туулаагүй зүйлсээ харж мэдрэх шүүдээ.. Hirokazu Koreeda-ын нэрийн хуудас болсон гэр бүл гэж юу вэ? Гэр бүлийг юу бий болгодог вэ? Гэсэн сэдэвтэй уг бүтээлдээ тэрээр хүүхдүүдийг мундаг тоглуулж чадсаныг судлаачид магтаад цааш нь: сэтгэл хөдөлгөм зохиолтой, ухаалаг найруулагдсан, хүчирхэг тоглолттой энэ кино үзэгчээ бодлогшруулж чадах ба төгс чанар руу их дөхсөн бүтээл хэмээн магтсан байдаг.. 

киноны үйл явдлыг товчхон хүргэвээс: амжилттай бизнесчин Ryota-ын амьдралд дутах юм үгүй, сайхан эхнэр, хүүхэд болон өсч яваа кареар бүгд түүнд бий.. гэхдээ Ryota ганц хүү Keita-гаа өөрөөс нь их өөр зан араншинтай болон өсч байгааг анзааран үүнд сэтгэл дундуур явах.. Ryota бол маш хатуу ёсыг баримтлагч ба аливаад тэргүүлэгч байхыг хүсэгч юм, даанч хүү Keita шал өөр буюу сул дорой, нялцгай болсоор байв.. нэг өдөр Ryota-ын эхнэрийн төрсөн эмнэлэгээс яаралтай хүрэлцэн ирэхийг хүсэх бөгөөд ийнхүү эхнэр нөхөр хоёр яваад очтол эмнэлгийн ажилтан хүүхэд төрдөг тэр өдөр маш том алдаа гарсан гээд та нарын хүүхдүүд солигдсоныг хэлж шоконд оруулна.. уг явдал мэдээж бөөн асуудал, бөөн уучлалт гуйлт, шүүх хурал болох ба Ryota-ын төрсөн хүүг Ryusei гэх бөгөөд нэгэн дэлгүүр ажиллуулдаг олон хүүхэдтэй айлын хүү болохыг олж мэднэ.. 

ингээд хоёр гэр бүл холбогдсоноор хоорондоо танилцаж улмаар хүүхдүүдээ эхлээд хэд хоногоор солилцоно.. Ryota-ын характер хийгээд аж амьдралыг нөгөө айлтай нь харьцуулбал бүл олон, амьдрал тааруувтар ч аз жаргалтай, эцэг нь гэх хүн хүүхдүүдтэйгээ хамт тоглодог, их зөөлөн хүн гэх мэтээр газар тэнгэр шиг өөр ертөнц байв.. Ryota хүүхдүүдээ харьцангуй бага байгаа дээр нь солихыг шийднэ, үүнд эхнэр нь яаж ч эсэргүүцээд хахир хатуу нөхрөө дийлэхгүй, харин нөгөө талын гэр бүл Ryota-ын шийдвэрийг \хүлцэнгүй гэмээр\ харна.. энэ үеэр эмнэлэгийн зохисгүй алдааны эзнийг олох шүүх хурал болох агаад тэр үед сувилагчаар ажиллаж байсан хүүхэн нөхөртөө уурласан уурынхаа улмаас тэр өдөр төрсөн хоёр хүүхдийг \манай гол дүрүүд\ сольсноо хүлээнэ.. зүгээр л нөхөртөө уурласан хүүхний тэнэг үйлдэл явсаар бүхэл бүтэн хоёр гэр бүлийн амьдралыг орвонгоор нь эргүүлжээ.. бидний уурандаа гаргасан ухаангүй үйлдэл хожим ямар их муу үр дагавартайг тус киноноос үзэж суралцмаар ба Японы хүүхдээ хүмүүжүүлэх ёс хийгээд хариуцлага хүлээх ёсзүй, бие биенээ хүндлэх хүндэтгэлийг бид энэ киноноос олж үзнэ..